Ministri i Kulturës i Ukrainës është ankuar në Netflix për portretizimin e një personazhi nga Kievi në serialin “Emily në Paris”.
Seriali i Netflix flet për një të re amerikane, të luajtur nga Lily Collins, e cila udhëton në kryeqytetin francez për punë.
Në serinë e fundit, Petra, një ukrainase, vjedh një dyqan gjatë një skene me personazhin kryesor Emily. Oleksandr Tkachenko e përshkroi personazhin e Petrës si "fyes" për vendin.
Petra, e cila luhet nga aktorja ukrainase Daria Panchenko, portretizohet gjithashtu se ka një sens të dobët të modës dhe ka frikë se mos deportohet.
"Në Emily në Paris, ne kemi një personazh të një gruaje ukrainase që është e papranueshme dhe është gjithashtu fyese," shkroi Tkachenko në Telegram.
"Kështu shihen ukrainasit jashtë vendit?" ai shtoi.
Sipas mediave ukrainase, Tkachenko i ka dërguar një letër “Netflix” duke u ankuar për portretizimin e Petrës.
Nuk është hera e parë që Emily në Paris kritikohet për portretizimin e kombësive të ndryshme.
Kur u publikua sezoni i parë, ai u kritikua, veçanërisht në Francë, për promovimin e imazheve stereotipike të qytetit dhe banorëve të tij.
Ai i portretizon francezët si njerëz të vrazhdë që veshin beretë dhe shpesh tradhtojnë partnerët e tyre.
Në serinë e re shfaqet Alfie, një britanik stereotip që e kalon kohën duke pirë nëpër bare dhe duke parë futboll.
Darren Star, krijuesi i shfaqjes, mbronte më parë serinë e parë, duke thënë se "nuk i vinte keq që e shikoi Parisin me një lente magjepsëse".
Star tha se ai kishte përdorur përvojat e tij të vizitës së qytetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
