Hungaria mori nga Rusia të mërkurën dërgesën e parë të karburantit bërthamor për centralin e saj bërthamor Paks, pasi lufta në Ukrainë e pamundësoi transportin me rrugë hekurudhore.
Kështu tha të enjten Ministri i Jashtëm Peter Szijjarto, i cili përsëriti se Hungaria hodhi poshtë çdo sanksion ndaj naftës dhe gazit rus, duke shtuar se vendosja e çdo sanksioni për aktivitetet që lidhen me energjinë bërthamore ishte gjithashtu një “vijë e kuqe” për vendin e tij.
Karburanti për uzinën e Paks ka ardhur gjithmonë nga Rusia me hekurudhë përmes Ukrainës. Për fat të keq kjo nuk është më e mundur kështu që na u desh të gjenim një mënyrë alternative për transportin.
Ai tha se dërgesa e karburantit kishte mbërritur përmes hapësirës ajrore të Bjellorusisë, Polonisë dhe Sllovakisë në Hungari me miratimin e të tre vendeve, pasi energjia bërthamore nuk i nënshtrohet asnjë sanksioni të Bashkimit Europian.
Hungaria dëshiron të zgjerojë termocentralin e saj bërthamor 2 gigavat, Paks, të ndërtuar nga Rusia, me dy reaktorë VVER të prodhimit rus, secili me një kapacitet prej 1.2 gigavat.
Nga ana e tij Kryeministri Viktor Orban, i cili u rizgjodh për një mandat të katërt radhazi në zgjedhjet e së dielës, tha në një konferencë shtypi të mërkurën Hungaria ishte e përgatitur të paguante rubla për gazin rus, duke thyer radhët me BE-në, e cila ka kërkuar një front të bashkuar për të kundërshtuar kërkesën e Moskës për pagesë në monedhën vendase.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
