“Arrest me burg” ka caktuar gjykata ditën e sotme për 31-vjeçarin Habib Rexha, i cili akuzohet për vrasjen e Arjan Gosës pak ditë më parë në lokal në Kavajë, teksa pinte kafe me të atin.
“Arrest shtëpie” u caktua për shokun e tij Ervis Kurti, i cili dyshohet se e ndihmoi Rexhën të largohet pas krimit.
31-vjeçari akuzohet për vrasje për gjakmarrje, pasi krimi i së dielës së kaluar ndodhi pasi Rexha kishte humbur vëllanë në fund të muajit mars, i vrarë nga vëllai i Gosës, i cili gjithashtu mbeti i vrarë në konflikt.
Armand (Edmond) Gosa, u konfliktua me Altin Rexhën, ku njëri qëlloi me thikë dhe tjetri me armë, duke bërë që të dy të gjejnë vdekjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
