Bota e teatrit i ka dhënë sot lamtumirën dramaturgut me famë botërore Dario Fo. Me një karrierë të gjatë si dramatug, aktor, regjisor, shkrimtar me një çmim “Nobel”, por edhe piktor, skenograf dhe aktivist i disa çështjeve, Dario Fo ka ndërruar jetë në moshën 90-vjeçare mëngjesin e sotëm në spitalin e Milanos, ku nodhej i shtruar prej 10 ditësh për probleme me mushkëritë.
Lajmi për ndarjen e tij nga jetë është përhapur me shpejtësi në të gjitha mediat e botës.
Ai ndërroi jetë pikërisht në ditën kur pritet ndarja e çmimit “Nobel” për Letërsinë, një çmim me të cilin ai u nderua në vitin 1997.
Dario Fo sapo kishte përfunduar së shkruari librin e tij të fundit “Pothuajse rastësisht grua, Kristina e Suedisë”, i cili pritet të dalë në treg në fund të këtij viti.
Dario Fo është italiani i fundit që ka fituar çmimin “Nobel”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
