Apeli i GJKKO ka shtyrë për nesër në orën 09:00 seancën mbi kërkesat për ndryshim të masave të sigurisë për të akuzuarit e aferës së sterilizimit. Gazetari Arsen Rusta në një raportim për MCN Live bën me dije se shkak për shtyrjen e seancës është bërë mungesa e Arben Gjatës, rektorit të Universitetit të Mjekësisë.
Ilir Rrapaj dhe ish-zv.ministri i Shëndetësisë Klodian Rrjepaj kanë kërkuar heqjen e arrestit me burg, apo lirinë, me argumentin se s’janë të rrezikshëm dhe nuk prishin prova. Ndryshim të masave të sigurisë kanë kërkuar Marsela Seriani, pjesë e komisionit të vlerësimit të ofertave, Saimir Kadiu dhe Genc Byrazeri. Mosprania e Arben Gjatës, rektorit të Universitetit të Mjekësisë është bërë shkak për shtyrjen e kësaj seance, pasi edhe avokati i caktuar prej tij nuk kishte tagrin për ta përfaqësuar në gjykatë. Mosprania e rektorit të Mjekësisë nuk ka qenë e justifikuar, nuk ka sjellë një argument pse mungon në gjykatë. Nesër në orën 09:00 e mëngjesit do të jetë seanca e radhës në Apelin e GJKKO. Për të dyshuar të tjerë në këtë aferë hetimi mbetet i hapur, ndoshta do kemi një veçim të hetimit apo një bashkim. Në masë sigurie janë dy persona, për krijimin e skemave të mashtrimit me pasoja të mëdha biznesmeni Ilir Rrapaj dhe ish-numri dy i ministrisë së Shëndetësisë Klodian Rrjepaj, i cili ka qenë kreu i komisionit të vlerësimit të ofertave, një vepër e kryer në bashkëpunim me Saimir Kadiun, Arben Gjatën dhe Genc Byrazerin. Për të njëjtën çështje është pyetur ish-ministri Ilir Beqaj, për të cilin SPAK konfirmoi se do të ketë një fletëthirrje të dytë”.
(10:00) “Sterilizimi”/ Rrjepaj dhe Rrapaj në Gjykatën e Apelit, kërkojnë heqjen e “arrestit me burg”
Ish-zëvendës ministri i i Shëndetësisë Klodian Rrjepaj dhe biznesmeni Ilir Rrapaj janë paraqitur sot në Gjykatën e Apelit. Rrjepaj dhe Rrapaj kërkojnë heqjen e masës së sigurisë “arrest me burg” lidhur me aferën e koncesionit të sterilizimit.
Kujtojmë që Klodian Rrjepaj akuzohet për "shpërdorim detyre" dhe Ilir Rrapaj akuzohet për “mashtrim me pasoja të rënda” për koncesionin e sterilizimit. Në "arrest shtëpie" për shpërdorim detyre janë lënë Marsela Seriani dhe Saimir Kadiu. Kurse për Arben Gjatën, Naile Abazin, Genc Burazerin dhe Pertref Mersinin u vendos masa “detyrim paraqitje” për shpërdorim detyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
