Kriza e energjisë është ndër temat më të diskutuara që ka ngritur shqetësim të madh. Por skenari më i keq për shqiptarët sipas analistit Arjan Curri është të ushqehen më pak dhe ti çojnë paratë për ndriçim e ngrohje ose e kundërta.
“Skenari më i keq është të ushqehen më pak dhe ti çojnë paratë për ndriçim e ngrohje. Nga ana tjetër është të ngrohen më pak dhe të hanë bukën e përditshme. Kjo rrezikon shumë njerëzit në nevojë. Njerëzit do ushqehen më pak për të pasur dritë për të parë njëri-tjetrin”, tha Curri.
Ndërkohë sipas gazetarit Klodian Tommorri ndërprerjet e energjisë do të jenë skenari më i keq dhe ky skenar ka nisur të diskutohet dhe aplikohet.
“Ndërprerjet e energjisë do të jenë skenari më i keq. Ky skenar ka nisur të diskutohet. Mendoj se një nga arsyet pse Berisha ra nga pushteti ishte kriza e energjisë, privatizimi dhe nëse ka një gjë që i kërcënon pushtetin Ramës është energjia. Sektori energjitik është dinamik, kërkesa e ekonomive rritet dhe investimet duhet të rriten. Kemi tetë vite të humbura në reforma të tjera. Shoh një skenar të keq”, tha Tomorri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
