Kreu i Prokurorisë së Posaçme, Altin Dumani bëri me dije se në janar të vitit të ardhshëm, institucioni do të zbulojë strategjinë për hetimin e krimeve zgjedhore.
Unë me stafin kemi filluar përgatitjet dhe në janar do të bëjmë prezent edhe strategjinë që do të ndërtojmë për hetimin e veprave penale për zgjedhjet. Kemi filluar që tani që të punojmë. Gjatë 2023 ka numër në rritje, është trefishuar numri i hetimeve për krimet zgjedhore.
Dumani tha nisur nga ngarkesa, SPAK-ut i nevojiten shumë prokurorë të tjerë për shkak të ngarkesës së madhe .
Dëshirë do kishim dhe 200 të tjerë, nisur nga ngarkesa. Drejtoresha dhe unë po punojmë për të qenë të arsyeshëm pse kemi nevojë për rritjen e numrin të hetuesve.
I pyetur për operacionin e fundit të SPAK, Dumani tha se nuk ka të dhënë që është dekonspiruar.
Nuk kam asnjë të dhënë apo indicie që operacioni është dekonspiruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
