Presidenti i Shteteve të Bashkuara të Amerikës, Joe Biden, ka pranuar se i kupton shqetësimet për moshën e tij, por nuk dorëzohet në synimin e tij për të kandiduar sërish për të mbrojtur demokracinë amerikane të cilën Donald Trump do ta “shkatërrojë”.
“Shumë njerëz duket se fokusohen në moshën time”, tha Presidenti 80-vjeçar i SHBA në një event për mbledhjen e fondeve në New York.
Unë po kandidoj sepse demokracia është në rrezik. Sepse në vitin 2024 ne do të votojmë përsëri për të ardhmen e demokracisë.
Më lejoni të jem i qartë, Donald Trump dhe mbështetësit e tij republikanë janë të vendosur të shkatërrojnë demokracinë amerikane.
Fushata e Presidentit amerikan, e cila nxjerr në pah rezultatet e mira ekonomike dhe planet e tij ambicioze për rimëkëmbjen industriale, deri më tani nuk ka arritur t’i largojë në plan të dytë shqetësimet për moshën dhe nivelin e energjisë së demokratit.
Sipas sondazheve, shumica dërrmuese e votuesve e konsiderojnë Biden shumë të vjetër për të qëndruar në Shtëpinë e Bardhë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
