Pas rreth dy orësh në takim me zyrtarin e Departamentit Amerikan të Shtetit Mathew Palmer, në lidhje me krizën politike në vend, kryeministri Edi Rama ka bërë reagimin e parë për takimin e Mathew Palmer.
Në një postim në rrjetet sociale, Rama shkruan se në fokus të takimit ishte situate politike dhe integrimi i Shqipërisë në BE.
“Marrëdhëniet e shkëlqyera bilaterale, integrimi europian i Shqipërisë, dialogu Kosovë-Serbi dhe situata politike në vend, në një bashkëbisedim të frytshëm që na gjeti në dakordësi të plotë me zv/Ndihmës Sekretarin e Shtetit, Mathew Palmer”-shkruan Rama në Twitter.
Ndërkohë të martën, Palmer pritet ta ketë axhendën më të ngjeshur, ku në mesditë do të takohet me kryetaren e LSI-së, Monika Kryemadhi, që më pas vijon me kreun e opozitës, Lulzim Basha, ndërsa rreth orës 17:30 zyrtari amerikan, Mathew Palmer do të pritet nga kreu i shtetit, Ilir Meta. Takimet e zv.ndihmës sekretarit amerikan do të përmbyllen me një konferencë shtypi me gazetarë.
Vizita e zyrtarit amerikan në Shqipëri , vjen në një kohë kur opozita ka djegur mandatet dhe pavarësisht protestave të vazhdueshme, mazhoranca po përgatitet për zgjedhjet lokale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
