Rusia: Lufta do të përfundojë kur të zhduket kërcënimi i NATO-s

Lufta e Rusisë në Ukrainë do të përfundojë kur NATO të ndalojë përdorimin e territorit ukrainas për të kërcënuar Moskën.

Kështu tha për agjencinë e lajmeve Tass, zyrtari i lartë i ministrisë së jashtme ruse, Alexey Polishchuk.

Operacioni special ushtarak do të përfundojë kur të përmbushen detyrat e tij. Këto përfshijnë mbrojtjen e popullsisë paqësore të Donbasit, demilitarizimin dhe denazifikimin e Ukrainës, si dhe eliminimin e kërcënimeve ndaj Rusisë nga territori ukrainas për shkak të kapjes së saj nga NATO.

Polischuk, shtoi se operacioni ushtarak po zhvillohet sipas planit dhe se “të gjitha objektivat e tij do të arrihen”.