Analisti dhe drejtori i Institutit për Gjeopolitikë në Kosovë, Sadri Ramabaja deklaroi përmes një lidhje “Skype” me studion e lajmeve në MCN Tv se drafti i propozuar ditën e sotme nga kryeministri Rama për Asociacionin në veri është pjellë e prapaskenave të diplomacisë franceze për ndarjen e butë të Kosovës.
Duke vijuar më tej me shpjegimin e tij Ramabaja tha se po paralajmërohet ripërkufizim i plotë i hartës gjeopolitike në Ballkan.
Ishte një befasi kur e dëgjova dhe ndoqa të gjithë fjalën e Ramës. Kjo iniciativë bëhet publike, se duket që ka qenë e kahershme dhe më lë përshtypje së është vazhdim i asaj tendencës së ripërkufizimit të kufijve të Kosovës, ndarjes së egër të Kosovës në 2018 dhe është zëvendësuar me idenë që bën të mundur ndarjen e butë të veriut të Kosovës.
Kjo bombë e plasur sot në Tiranë vjen në momentin kur Serbinë e kemi në prag të revolucionit demokratik, qeveria është në rënie dhe zgjedhjet presidenti serb i ka paralajmëruar në vjeshtë, vjen në periudhë të përshtatshme për Serbinë.
Janë kambana alarmi që bien nga një person i papërgjegjshëm siç është Rama.
Ne si Institut kemi paralajmëruar rikthimin e gjeopolitikës në Ballkan dhe përplasjen e interesave të Perëndimit me Rusinë dhe Kinën dhe superfuqi të mesme.
Drafti më duket si pjellë e prapaskenave të diplomacisë franceze, që kësaj radhe nuk vijnë përmes drafteve që paralajmëronte Lubiana ose sulmeve që i bënte drejtpërdrejtë Franca në rrugë të tjera, por është në vazhdën përpjekjeve franceze për t’i kryer një shërbim Serbisë.
Shpërthimi në veriun e Kosovës varet nga Serbia, ata kanë iniciuar çdo gjë. Ngjarjet në veri janë pjesë e skenarit të Vuçiçit për krijimin e botës serbe. Sot në Mal të Zi janë mbyllur të gjithë shkollat pasi ka paralajmërime për hedhje bombave. Idea për krijimin e botës serbe nuk parashikon vetëm veriun e Kosovës por dhe Malin e Zi dhe Bosnjën.
Po paralajmërohet ripërkufizim i plotë i hartës gjeopolitike në Ballkan
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
