Parlamenti bullgar ka miratuar propozimin e Presidencës franceze të Këshillit të BE-së për fillimin e negociatave për anëtarësimin e Maqedonisë së Veriut në BE. Pro projektvendimit votuan 170 deputetë, 37 u shprehën kundër, dhe 21 abstenim. Ky vendim nënkupton heqjen e vetos ndaj Shkupit, që do t’i hapë rrugë procesit të hapjes së negociatave të Shqipërisë dhe Maqedonisë së Veriut në BE.
Kjo është bërë përmes një projektvendimi të dorëzuar nga bashkëkryetari i “Bullgarisë Demokratike” Hristo Ivanov, në të cilin thuhet se, “Bullgaria do të mbështesë çdo hap të procesit të integrimit evropian të Republikës së Maqedonisë së Veriut në specifikimin e kornizës negociuese dhe konkluzioneve të Këshillit për të siguruar përfshirjen e bullgarëve në kushtetutën maqedonase; ku përmenden popujt e tjerë dhe në kushte të barabarta me këta popuj”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
