Një ngjarje e tronditëse raportohet nga Dukagjini pasditen e sotme. Raportohet se dy viktimat janë babë e bir, Gjokë Gurra dhe Eduard Gurra, të cilët janë qëlluar për vdekje në shtëpinë e tyre në fshatin Sumë. Sipas korrespodentit të MCN tv në Shkodër, mbrëmjen e kaluar dy viktimave, persona të paidentifikuar iu kanë djegur shtëpinë në fshatin Sumë të njësisë Pult në Dukagjin. Gjatë ditës së sotme kanë shkuar për të parë banesën e djegur dhe aty persona të paidentifikuar i kanë qëlluar duke i lënë të vdekur ne vend. Policia e Shkodrës është nisur drejt vendngjarjes ndërsa është e paqartë përse ka ndodhur kjo ngjarje e rëndë. Shkodër/Informacion paraprak Rreth orës 16:40, në fshatin Sumë, Njësia Administrative Pult, në rrethana ende të paqarta janë vrarë me armë zjarri shtetasit Gj. G., 57 vjeç dhe djali i tij, E. G., 31 vjeç, banues në lagjen "Partizani", Shkodër. Shërbimet e Policisë dhe Grupi hetimor janë nisur menjëherë për në vendngjarje. Me mbërritjen e shërbimeve dhe sqarimin e rrethanave të ngjarjes do të japim përsëri njoftim më të detajuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
