15 Tetori shënon Ditën Ndërkombëtare të Shkopit të Bardhë, një simbol i pavarësisë dhe i përpjekjeve të qytetarëve të verbër për përmirësimin e kushteve të jetesës dhe garantimin e të drejtave të tyre.
Kjo ditë daton që prej vitit 1964, kur Presidenti amerikan Lyndon B. Johnson nënshkroi deklaratën që njohu të drejtën e personave të verbër për barazi dhe përfshirje të plotë në shoqëri. Ajo theksoi gjithashtu përgjegjësinë e institucioneve për të marrë masa konkrete që lehtësojnë jetën e këtij komuniteti dhe respektojnë dinjitetin e tij.
Më 15 Tetor organizohen aktivitete të ndryshme në nivel lokal dhe kombëtar, të cilat synojnë të rrisin ndërgjegjësimin e shoqërisë dhe institucioneve për zbatimin në praktikë të të drejtave që burojnë nga statusi i personave të verbër dhe nga Konventa e OKB-së për të Drejtat e Personave me Aftësi të Kufizuara (PAK).
Një nga aktivitetet më domethënëse është marshimi sensibilizues i personave të verbër, me në dorë shkopin e bardhë – simbolin e tyre të lirisë së lëvizjes dhe autonomisë. Ky marshim është një thirrje për më shumë integrim në shoqëri dhe për krijimin e mundësive të barabarta për të gjithë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
