Kuvendi i Shqipërisë me anë të një shkrese ka njoftuar ditën e sotme Komisionin Qendror të Zgjedhjeve për përfundimin e mandatit të deputetit Arben Ahmetaj.
Gjithçka pasi Ahmetaj ndodhet në arrati prej më shumë se gjashtë muajsh, i shpallur në kërkim ndërkombëtar për aferën e inceneratorëve.
Kuvendi i Shqipërisë, në bazë të shkronjës “d” të pikës 2 të nenit 71 të Kushtetutës së Republikës së Shqipërisë dhe Rregullores së Kuvendit, Ju njofton mbarimin përpara afatit kushtetues të mandatit të deputetit të PS-së Arben Ahmetaj, për shkak të mungesës së tij pa arsye për mbi 6 muaj rresht në Kuvend.
Kjo për arsye se seanca e fundit plenare ku deputeti Arben Ahmetaj ka marrë pjesë është data 6 korrik 2023.
Sa më sipër, në mbështetje të nenit 164, pika 1, të ligjit nr. 10019, datë 29.12.2008 “Kodi Zgjedhor i Republikës së Shqipërisë”. Kuvendi i Shqipërisë ka detyrimin ligjor për të njoftuar Komisionin Qendror të Zgjedhjeve për krijimin e vakancës.
Pas Ahmetaj në listën e deputetëve vjen Dallëndyshe Bici, por emri më i përfolur për të marrë mandatin është Plarent Ndreca.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
