Ministri i Energjisë dhe Infrastrukturës, Enea Karakaçi, deklaroi se autoritetet janë duke monitoruar nga afër situatën në treg sa i takon çmimit të rritur të naftës dhe se Bordi i Transparencës, i cili vendos çmimet tavan, mund të ngrihet shumë shpejt.
Në përfundim të mbledhjes së sotme të Këshillit të Ministrave ai deklaroi se tregu i karburanteve po ndiqet në mënyrë dinamike, si në vend ashtu edhe në rajon, dhe se aktualisht nuk ka një vendimmarrje për ngritjen e Bordit, por mekanizmi ekziston dhe mund të aktivizohet në çdo moment.
Po analizojmë situatën për të parë nëse ka mungesa në treg. Sipas të dhënave tona, ngushtica e Hormuzit nuk përbën problem për furnizimin e Shqipërisë, pasi mbi 90% e importeve vijnë nga rrugë të tjera detare.
Mekanizmi për ngritjen e Bordit ekziston dhe mund të aktivizohet shumë shpejt me një vendim të Këshillit të Ministrave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
