Drejtori i Përgjithshëm i Policisë së Shtetit, Ardi Veliu ka vlerësuar punën e policisë së Fierit, ku mundën të arrestonin në kohë rekord tre grabitësit e një këmbimi valutor ditën e sotme.
Përmes një reagimi një deklarate për mediat, Veliu shprehet se kapja në kohë e autorëve është një sinjal domethënës se Forca e Ligjit do të godasë ashpër çdo element kriminal.
“Vlerësim dhe inkurajim për strukturat e Policisë së Fierit, që në kohë rekord ndaluan 3 autorët e grabitjes me armë të një pike këmbimi valutor.
Reagim në kohë e profesional, me gjithë rrezikun që mbarte aksioni i ndjekjes, çka rrit besimin e qytetarëve tek Policia e Shtetit.
Kapja në kohë e autorëve është një sinjal domethënës se Forca e Ligjit do të godasë ashpër çdo element kriminal, me prioritet ata që tentojnë të agresojnë jetën dhe pronën e qytetarëve.
Shërim të shpejtë dy te plagosurve!”, thuhet në reagimin e Drejtorit të Policisë.
Policia mundi të arrestonte tre grabitësit, të cilët nën kërcënimin e armëve dhe duke plagosur dy persona, morën një shumë të madhe lekësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
