Shkencëtarët kanë zbuluar një bakter që mund të prodhojë një përbërës kyç për kremrat kundër diellit, në mënyrë që këta të mos e dëmtojnë mjedisin. Zbulimi i publikuar në ACS Synthetic Biology mund të ndikojë në prodhimin e kremrave që mbrojnë lëkurën nga dielli.
Këto të fundit janë krijuar për të mbrojtur lëkurën nga rrezatimi i dëmshëm ultraviolet. Por përbërësi sintetik që bën të mundur bllokimin e rrezeve ultraviolet përfundon në dete dhe oqeane, ku pasi akumulohet, shkakton dëme. Ky përbërës është toksik për organizmat detare, ndikon në zbardhjen e koraleve, shkakton reaksione alergjike dhe mund të ndërhyjë në sistemin e hormoneve të njeriut.
Por fatmirësisht ekzistojnë alternativa të tjera të padëmshme të këtij elementi kimik. Një prej tyre është shinorina, një përbërës i degradueshëm që përthith rrezatimin ultraviolet dhe që prodhohet në mënyrë natyrale nga disa baktere dhe alga detare. Shinorina mund të nxirret nga algat e kuqe.
Shkencëtarët në Universitetin e Floridas përzgjodhën Synechocystis, një bakter që mund të modifikohet lehtësisht. Modifikimi gjenetik rezultoi produktiv.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
