Franca është kampionja më e re e Kupës së Botës duke ngritur në qiell trofeun më të rëndësishëm në Botë.
“Gjelat” e drejtuar nga trajneri Dider Deshamp, fitojnë në Rusi trofeun e dytë në historinë e tyre pas atij të fituar për herë të parë në vitin 1998.
Brezi i artë francez arriti që të bëjë një Kampionat Botëror spektakolar në “Rusi 2018” duke bërë sfida spektakolare që nga faza e grupeve deri në finalen e madhe që u zhvillua në “Luzhniki” të Moskës duke fituar përballë Kroacisë.
Një fitore spektakolare e Francës me rezultatin e thellë 4-2 nën një 90-minutësh fantastik që dhuroi spektakël dhe emocione që në minutën e parë deri në vërshëllimën e fundit.
45 minutat e para ishin spektakolare ku u shënuan plot tre gola. I pari që hapi serinë ishte një autgol i Mandzukiç në minutën e 18-të që shkaktoi një autogol në portën e tij.
Por, pas 10 minutash Kroacia barazpeshon me anë të Perisiç që shënoi një gol mjaft të bukur brenda zonës.
Megjithatë, Franca do ta mbyllte në epërsi pjesën e parë duke shënuar me Grizman që goditi saktë nga pika e bardhë e 11-metërshit duke e mbyllur pjesën e parë me shifrat 2-1.
Ashtu si 45 minutat e para dhe pjesa e dytë do të ishte spektakolare ku nuk munguan golat dhe rastet e shumta.
Pol Pogba dhe Kilian Mbappe në minutat e 59-të dhe 65-të shënuan dy gola të shpejtë për Francën që i dhanë qetsinë e duhur për të shkuar të qetë drejt një triumfi të madh.
Një gafë e Lloris në miunutën e 69-të i dha mundësinë Mandzukicit që të shënonte golin e dytë për Kroacinë , por që nuk i mjaftoi për të bërë një përmbysje.
Në fund Kampionët e Botës janë Francezët që rikthejnë në shtëpi Kupën e Botës, ndërsa ëndrra e bukur kroate mbyllet me vendin e dytë.
Golat e takimit në ndeshjen Francë Koraci.
Autgoli i Mandzukic
Goli i Perisic
Goli i Grizman
Goli i Pogba
Goli i Mbappe
Goli i Mandzukic
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
