Sekretari për marrëdhëniet me publikun në Partinë Demokratike, Edvin Kulluri, kalimin nga kritik i Lulzim Bashës dhe qëndrimin në krahë të tij, e shpjegon me reflektimin e kryedemokratit.
Në studion e MCN Live ai deklaroi se gjatë gjithë kohës ka luftuar që partia të mos jetë e kryetarit dhe se për fat të keq opozita është përçarë ku ka një Parti Demokratike dhe Rithemelimi.
Ftesa që më bëri zoti Basha duke e ditur se kush jam, është një akt i fortë dhe reflektim. Nuk kam asgjë personale as me Berishën dhe as me Bashën.
Gjithë kriza dhe debati lindi se si u bënë disa deputetë në 2017 në mënyrë jo transparente dhe për qeverinë e përbashkët që nuk dha asnjë garanci për mos prekjen e votës.
Basha është në provim se çfarë oferte politike ka për shqiptarët, bashkë me të tjerët.
Të thuash që do të kthesh listat e hapura, do të thotë që do të kthesh garën.
Me këtë hap Lulzim Basha bën një propozim serioz dhe ky është një reflektim i madh, duke shmangur deputetët e emëruar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
