Dy patrulla të policisë në Arzignano dhe Montecchio Maggiore kanë përgjuar gjatë gjithë natës së shkuar një makinë Volkswagen Touran nëpërmjet sistemit të targave, e vjedhur më 5 maj në San Giovanni Lupatoto (Verona).
Efektivët e policisë italiane kanë pikasur mjetin në zonën Costo di Arzignano, me tre persona në bord.
Me të pikasur policinë, drejtuesi i mjetit i ka dhënë gaz duke u arratisur në drejtim të Alte Ceccato. Rezultati është një ndjekje e gjatë nga ana e policisë, ndërsa i arratisuri u përpoq të nxirrte jashtë rruge njërin prej makinave të forcave të rendit.
Pavarësisht nga kjo, policia arriti të ndalonte makinën në rrugën “Europa” në Avenue, Montecchio, ku tre kriminelët janë përpjekur të arratisen në këmbë.
Karabinierët arritën të ndalojnë shqiptarin Ergen Biba, 21 vjeç, i pa strehë, por i njohur për policinë.
I riu u arrestua me akuzën e posedimit të makinës së vjedhur, ndërsa brenda mjetit u gjetën edhe dy celularë. Policia po punon për arrestimin e dy bashkëpunëtorëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
