“Franca planifikon t’i shesë Ukrainës avionë luftarakë Mirage 2000”, u shpreh presidenti Emmanuel Macron në një intervistë që dha për rrjetet televizive franceze.
Mirage 2000 janë avionë luftarakë me një motor, me shumë role, të gjeneratës së katërt.
“Ne nuk jemi në asnjë mënyrë në luftë me Rusinë dhe popullin e saj”, siguroi Macron, por nuk zbuloi numrin e avionëve që do të dërgoheshin në Kiev.
Ai shtoi se nga nesër do të fillojë një program trajnimi dhe transporti të pilotëve për këta avionë.
Macron gjithashtu njoftoi: “Ne do të trajnojmë 4500 ushtarë ukrainas për t’i pajisur ata dhe për t’i ndihmuar ata t’i rezistojnë pushtuesve rusë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
