Një sasi e konsiderueshme listash zgjedhore, karta identiteti dhe fletë votimi me numrin 12 janë gjendur në mjetin e blinduar, ku u qëllua sot në mesditë në lagjen “5 maji” në Elbasan.
Burime pranë grupit të hetimit në vendin e ngjarjes, konfirmuan për MCN TV se pas sekuestrimit në cilësinë e provës materiale, pritet të verifikojnë nëse kemi të bëjmë me dokumente ID card dhe fletë votimi të falsifikuara apo origjinale.
Për këtë pritet që i gjithë materiali i sekuestruar në vendgjarje të dërgohet për ekzaminin në laboratorin kriminalistik.
Numri 12 është ai me të cilin përfaqësohet në listë Partia Socialiste.
Anduena Llabani
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
