Melania Trump ka bërë reagimin e saj të parë për atentatin ndaj bashkëshortit, kandidatit republikan për President, Donald Trump.
"Kur pashë atë plumb që goditi burrin tim, Donaldin, kuptova se jeta ime dhe jeta e Barronit ishin në prag të ndryshimit shkatërrues," shkruan ish-Zonja e Parë duke iu referuar të shtënave në një miting në Pensilvani.
"U jam mirënjohëse agjentëve të guximshëm të shërbimit sekret dhe zyrtarët e zbatimit të ligjit që rrezikuan jetën e tyre për të mbrojtur burrin tim," tha ajo në një deklaratë.
Melania Trump bëri thirrje për unitet në të gjithë vendin pas tragjedisë: “Tani po mendoj për ju, bashkëkombësit e mi amerikanë. Ne kemi qenë gjithmonë një bashkim unik. Amerika, struktura e kombit tonë të dashur është copëtuar, por guximi dhe arsyeja jonë e shëndoshë duhet të ngjiten dhe të na bashkojnë si një.”
Ish-Zonja e Parë e përshkroi burrin e saj si “një njeri bujar dhe të kujdesshëm” me të cilin ka kaluar kohë të mira dhe të vështira.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
