Këngëtarja country Megan Moroney ka folur për raportin e saj me Morgan Wallen pas thashethemeve të fansave që i lidhën ata për shkak të hitit të saj të madh “Tennessee Orange” në 2022.
Në një intervistë ekskluzive për PEOPLE StyleWatch, 28-vjeçarja tha:
“Mendoj se Morgan është i mrekullueshëm dhe albumi i tij i ri [I'm the Problem] është gjithashtu i shkëlqyer. Ne ende jemi miq.”
Moroney gjithashtu foli për rëndësinë e ndershmërisë në tekstet e saj, duke thënë se kjo e ka ndihmuar shumë në karrierë:
“Asnjëherë nuk lejoj që mundësia që njerëzit të spekulojnë se për kë është një këngë të më ndalojë të shkruaj për ndjenjat që kjo situatë më ka shkaktuar.”
Fansat lidhën Moroney me Wallen pasi ajo publikoi “Tennessee Orange” dhe ata nisën të komentonin postimet e njëri-tjetrit në Instagram. Në vitin pasues, Wallen publikoi gjithashtu këngën “Tennessee Fan”.
Moroney konfirmoi se bluzën që kishte veshur në imazhin promocional për “Tennessee Orange” i përkiste Wallen, megjithëse e pranoi se kjo e kishte bërë të ndjehej e sikletshme për shkak të spekulimeve.
Gjithashtu, gjatë një interviste më parë, ajo zbuloi se kishte pasur një lidhje romantike me Wallen, por nuk ishin takuar “ekskluzivisht”.
Kur u pyet nëse kënga “Tennessee Orange” ishte për Wallen, ajo u përgjigj:
“Nuk do të them kurrë për kë i këndoj këngët e mia.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
