Shembja e banesave prej rindërtimit, banorët e 5 majit dhe të Laprakës kanë nisur protestën e tyre te Parlamenti. Banorët me pankarta në duar, kërkojnë transparencë të projektit të ndërtimit të Unazës së madhe.
Gazetarja e MCN TV Marinela Lika nga protesta raporton se protestuesit i janë afruar hyrjes së parlamenti, po janë penguar nga policia. Nga ana e protestuesve është kërkuar që policia të bashkohet me ta.
Ajo që vihet re në protestë është se të pranishëm ka dhe fëmijë të cilëve u janë shembur shtëpitë, ku një prej tyre për mikrofonin e MCN TV, rrëfen se aktualisht kanë mbetur në qiell të hapur dhe kanë marrë një shtëpi të vogël me qera ku po qëndrojnë të cilën e paguajnë me paratë e tyre.
Banorët kanë kërkuar që gjithçka të bëhet transparentë dhe të dokumentohet përmes noterizimit, hapësira e banimit dhe koha se kur ata do të marrin shtëpitë e reja, pasi ata kanë theksuar se nuk kanë asnjë informacion.
Ndër të tjera ata theksojnë se nuk janë aty për tu konfrontuar me njeri, por për të mbrojtur pronën e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
