Presidenti amerikan, Donald Trump, u tha gazetarëve se do të njoftonte tarifa specifike për produktet farmaceutike brenda dy javëve të ardhshme.
Administrata e tij zbuloi në prill se kishte nisur një hetim se si importi i disa produkteve farmaceutike ndikon në sigurinë kombëtare të SHBA-së, një veprim që shihet gjerësisht si një paraprirje e tarifave të barnave.
Presidenti nënshkroi një urdhër ekzekutiv për të inkurajuar prodhimin mjekësor në Shtetet e Bashkuara të Amerikës dhe për të zvogëluar varësinë nga prodhuesit e huaj.
Duke folur në Shtëpinë e Bardhë të hënën, Trump tha: “Vende të tjera na kanë trajtuar padrejtësisht kur bëhet fjalë për çmimet e barnave. Do të bëjmë një njoftim të madh javën tjetër.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
