Trupi i pajetë i një 54-vjeçari është gjetur mëngjesin e sotëm në Durrës, në zonën e portit. Sipas policisë, viktima është P.F., 54 vjeç, peshkatar. Në trupin e viktimës nuk janë konstatuar shenja dhune. Policia po punon për zbardhjen e shkaqeve të vdekjes.
Njoftimi i policisë
Më datë 15.03.2017, rreth orës 07:30, në Portin Detar Durrës, midis zonës së trageteve dhe peshkimit, në det është gjetur trupi i pajetë i shtetasit P.F. 54 vjeç, banues në Lezhë, i punësuar si peshkatar në një firmë peshkimi në Durrës. Nga kqyrja e kufomës nuk janë evidentuar shenja dhune. Në vendngjarje ka shkuar grupi hetimor, të cilët po punojnë për zbardhjen e plotë të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
