Varianti Delta i Covid-19 ka përfshirë edhe Azinë Juglindore gjatë muajve të fundit, duke shkaktuar bllokime në spitale nga Malajzia në Tajlandë dhe Indonezi. Tani ndikimi po ndihet edhe në Filipine, ku mungesa kronike e punonjësve shëndetësorë të vendit arrin në pikë krize.
"Virusi është bërë shumë agresiv", tha Michael Bilan, i cili punon në një repart Covid në Manila. Këtë herë, pacientët kanë tendencë të kërkojnë një sasi më të madhe oksigjeni, për më gjatë, tha ai. Numri i pacientëve me Covid është gjithashtu në një rekord të lartë, javën e kaluar 277 pacientë po merrnin trajtim.
Filipinet janë një nga furnizuesit më të mëdhenj të infermierëve në botë, me 17,000 të larguar për të punuar jashtë shtetit, përfshirë Mbretërinë e Bashkuar dhe SHBA-në, në vitin 2019.
Javën e kaluar, Shoqata e Spitaleve Private të Filipineve vlerësoi se 40% e infermierëve të spitaleve private kanë lënë punën vitin e kaluar dhe më shumë janë larguar pas valëve të reja të infektimeve këtë vit.
Maristela Abenojar, presidente e Filipineve të Infermierëve, paralajmëroi se do të ketë më shumë nëse qeveria nuk fillon rekrutimin në shkallë të gjerë për të lehtësuar presionin mbi repartet dhe të paguan përfitimet e vonuara të stafit.
Paralajmërimi vjen pasi rastet në vend, një nga më të goditurat në Azinë juglindore, vazhdojnë të rriten. Të Shtunën, u raportuan 16,694 të infektuar si dhe 398 vdekje, numri i dytë më i lartë i vdekjeve ditore që nga fillimi i pandemisë. Deri më tani, 31,596 njerëz kanë humbur jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
