Publikimi i pagave, Balla: Çështja në duart e prokurorisë, të hetohen edhe deklarimet e rreme

Në një deklaratë për mediat kreu i Grupit Parlamentar të PS, Taulant Balla komentoi publikimin e pagave dhe të targave të makinës të qytetarëve shqiptarë.

Ai u shpreh se nuk ka shumë komente në lidhje me këtë çështje, pasi sipas tij tashmë kjo është një çështje që ka kaluar në duart e prokurorisë.

Ndër të tjera ai ka theksuar ndër të tjera se publikimi i të dhënave të tilla është një destabilizim dhe lëkundje e fortë mes punëmarrësve dhe punëdhënësve.

I gjithashtu tha se sezonin e ri parlamentar do të bëhet rishikimi dhe forcimi i ligjit për ruajtjen e të dhënave personale.

“Jam në mendimin që në momentin që prokuroria hyn në hetim të gjithë duhet që të heshtin. Destabilizimi që ka krijuar një publikim i tillë prish shumë marrëdhënie punëmarrës dhe punëdhënës dhe kujtoj se shtete shumë më të forta dhe më të mëdha bien pre e sulmeve të tilla. Ky është sa sulm kibernetik aq edhe rrjedhje të dhënash dhe mendoj se ndëshkimi më i madh duhet të bëhet në këtë rast për të parandaluar rastet e tjera. Mendoj se institucionet e drejtësisë përveç deklarimit të të dhënëve duhet të bëjnë një hetim të plotë dhe në lidhje me deklarimet dhe mosdeklarimet që ka dëmtuar marrëdhënien mes punëdhënësit dhe punëmarrësit. Në sesionin e ardhshëm parlamentar ne do të rishikojmë ligjin për mbrojtjen e të dhënave personale ndaj sulmeve të tilla dhe qëllimit destabilizues punëmarrës dhe punëdhënës”, tha ai.