Zv/kryeministri Niko Peleshi, i shoqeruar edhe nga kryetari i ri i Bashkisë Lezhë, Fran Frrokaj, ishte në fshatin Pllanë të Zejmenit, gjatë operacionit të evakuimit të familjeve që rrezikonin nga përmbytjet.
Peleshi u shpreh se reagimi i qeverisë ka qenë në kohën e duhur dhe se masa të tjera do të merren në vazhdim për normalizimin e plotë të situatës.
Ndërsa Ministri i Punëve të Brendshme, Saimir Tahiri, i shoqëruar nga Drejtori i Përgjithshëm i Emergjencave Civile, Shemsi Prençi, inspektoi një nga zonat më të prekura nga përmbytjet, në Babrru të Tiranës.
Në këtë zonë janë evakuuar disa familje, banesat e të cilave ishin më të prekura nga dëmtimet. Ndërkohë në zonë kanë shkuar forca dhe mjete të Emergjencave Civile për t’u ardhur në ndihmë banorëve dhe normalizuar situatën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
