Mbi 3100 fluturime janë anuluar dhe 10400 të tjerë janë vonuar për shkak të stuhisë së dëborës ose “snowmaggedon”, e cila po godet aktualisht Shtetet e Bashkuara të Amerikës.
Një lajm i tillë raportohet nga Cnn, ku thuhet se më shumë se 650 mijë persona janë pa energji elektrike për shkak të motit të keq.
Prej tyre 100 mijë në Georgia, 70 mijë në Texsas, 70 mijë në Connecticut, 50 mijë në Karolinën e Jugut dhe 45 mijë në New York.
Guvernatorët e dymbëdhjetë shteteve amerikane kanë shpallur gjendjen e jashtëzakonshme për atë që quhet “apokalipsi i dëborës”, duke treguar valën polare në nivelet e saj më të larta.
Stuhitë e dëborës të kombinuara me vorbullën polare do të sjellin temperatura rekord, të cilat pritet të arrijnë deri në -29 gradë në disa zona malore të Wyoming.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
