Rusia ka ndaluar shfaqjen në kinematë e saj të një komedie britanike me titull “Vdekja e Stalinit”. Ndalimi i komedisë vjen vetëm pak ditë para premierës së saj, me pretekstin se është kundër ligjit.
Por në Rusi, Kushtetuta nuk e lejon censurën. Megjithatë, ministri i Kulturës, Vladimir Medinski, thotë se ligjet që shkelen janë më shumë ligje morale, raporton DW. Ai dhe disa deputetë të Dumës nuk e gjejnë me vend, që pikërisht në prag të 75-vjetorit të betejës së Stalingradit, rusëve t'u ofrohet një pamflet, që përqesh fituesin e Luftës së Dytë Botërore: Josef Stalin.
Por pikërisht ndalimi i filmit do ta bëjë atë edhe më interesant për shumë të rinj. Në epokën e internetit, nuk është e vështirë të gjesh hapësirën ku mund ta shohësh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
