Lirimi nga burgu i ish-ministrit të Brendshëm Saimir Tahiri, për të vijuar pjesën e mbetur të dënimit në arrest shtëpie, ka ngjallur indinjatën e ambasadores amerikane në vendin tonë, Yuri Kim.
Me anë të një mesazhi në Twitter, pa përmendur emra, ambasadorja thotë se është shumë zhgënjyese të shohësh se mënyrat e vjetra të mosndëshkimit dhe privilegjimit për disa vazhdojnë në sistemin e drejtësisë shqiptare.
Këto mënyra të vjetra nuk janë të përshtatshme për një aleat të NATO-s dhe aspirantëve të BE-së dhe ato duhet të refuzohen me vendosmëri.
SHBA konsideron korrupsionin si një kërcënim thelbësor të sigurisë kombëtare.
Ata që merren me dhënien ose pranimin e kërcënimeve dhe nxitjeve, për shembull, për të ndihmuar miqtë e fuqishëm, duhet të kuptojnë se veprimet e tyre do të kenë pasoja.
Gjykata e Elbasanit vendosi ditën e sotme që ish-ministri do ta vazhdojë dënimin alternativ me qëndrim në banesë.
Vendimi u mor me argumentin se Saimir Tahiri do të kujdeset për dy fëmijët e mitur, pasi bashkëshortja e tij është në pamundësi shëndetësore që të kujdeset përta.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
