Just Fontaine, i cili mban rekordin për më shumë gola të shënuar në një Botëror të vetëm, ka vdekur në moshën 89-vjeçare.
Fontaine shënoi 13 gola në vetëm gjashtë ndeshje për Francën në Kupën e Botës 1958 në Suedi, ndërsa ata përfunduan në vendin e tretë.
Ai është i katërti në listën e golashënuesve të të gjitha kohërave të Kupës së Botës së bashku me argjentinasin Lionel Messi.
Federata Franceze e Futbollit (FFF) e përshkroi Fontaine si "golashënuesi i përjetshëm" dhe "një legjendë e futbollit botëror".
“Vdekja e Just Fontaine e zhyt futbollin francez në emocione të thella dhe trishtim të pamasë. Ai shkroi një nga faqet më të bukura në historinë e ekipit francez”, tha presidenti i përkohshëm i FFF, Philippe Diallo.
Trajneri i Francës, Didier Deschamps, tha se vdekja e Fontaine do të "trishtojë të gjithë ata që e duan futbollin", duke shtuar se ai "është dhe do të mbetet një legjendë e ekipit francez".
Në total, Fontaine shënoi 30 gola në vetëm 31 paraqitje për Francën midis viteve 1953 dhe 1960. Ai e kaloi pjesën më të madhe të karrierës së tij në klub në Stade de Reims, ku shënoi 145 gola në 152 paraqitje, duke fituar tre tituj të Ligue 1 dhe duke arritur në finalen e Kupës Evropiane të vitit 1959, ku humbën ndaj një skuadre të Real Madridit që përmbante Alfredo di Stefano dhe Ferenc Puskas.
Në vitin 2004 ai u emërua në listën e legjendës braziliane Pele me 125 futbollistët më të mëdhenj të gjallë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
