Një avion luftarak rus rrëzoi një dron të Forcave Ajrore të SHBA-së mbi Detin e Zi të martën pasi dëmtoi helikën e dronit amerikan MQ-9 Reaper. Lajmin e bën të ditur CNN, duke iu referuar një zyrtari amerikan që ka dijeni mbi incidentin.
Droni Reaper dhe dy avionë SU-27 Flanker po operonin mbi ujërat ndërkombëtare mbi Detin e Zi kur një nga avionët rusë fluturoi qëllimisht përpara dhe hodhi karburant përpara dronit pa pilot, sipas zyrtarit. Një nga avionët më pas dëmtoi helikën e Reaper, e cila është montuar në pjesën e pasme të dronit, tha zyrtari. Dëmtimi i helikës detyroi SHBA-në të rrëzonte Reaper në ujërat ndërkombëtare në Detin e Zi.
Avionët rusë dhe amerikanë kanë operuar mbi Detin e Zi gjatë luftës, por ky është ndërveprimi i parë i njohur i tillë, një përshkallëzim potencialisht i rrezikshëm në një kohë kritike të luftimeve.
Shtetet e Bashkuara kanë përdorur dronët Reaper mbi Detin e Zi që para fillimit të luftës, duke përdorur dronët spiun për të monitoruar zonën. Dronët reaper mund të fluturojnë deri në 50,000 këmbë, sipas Forcave Ajrore. Ata kanë sensorë dhe aftësi për të mbledhur informacion dhe për të kryer zbulime për periudha të gjata kohore, duke u bërë kështu një platformë ideale për të gjurmuar lëvizjet në fushën e betejës dhe në Detin e Zi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
