Përplasjet fizike në parlamentin e Kosovës, Rama: Turp që vetëm dëm i bën vendit

Kryeministri Edi Rama reagon lidhur me incidentin e ndodhur në Kosovë, ku pati përplasje fizike. Rama thotë se të mos jesh dakord me Kryeministrin është demokratike, por ta shprehësh kështu kundërshtinë është të njollosësh veten, zgjedhësit e tu dhe krejt shtetin me një turp që sot i bën dëm Kosovës edhe ndërkombëtarisht, më shumë se sa çfarëdo qëndrimi politik që po ia kundërshton Kryeministrit. “Imagjinojini si ndjehen aleatët dhe miqtë e pazëvendësueshëm të Kosovës e të shqiptarëve, kur shohin se si kapen për fyti shqiptarët, aty ku duhet të luftohet me ide e me fjalë, jo me sharje e me grushta! Uroj shumë që opozita të distancohet nga kjo sjellje e turpshme dhe t’i shërbejë Kosovës me forcën e shembullit, jo me shembullin e forcës!”