Në emisionit ‘’Xhadat’’, zoti Adriatik Hasanago nga Tirana denoncoi ish-pronarin e tij se nuk e kishte paguar për turnin e dytë në punë në një objekt ndërtimi si dhe lejen e zakonshme. As sipërmarrësi i kompanisë, as ish-pronari i tij nuk e pranonin në bisedat telefonike me denoncuesin detyrimin e papaguar.
Të kundërtën në fakt pohoi financierja e kompanisë së ndërtimit, e cila pranoi detyrimin që kjo e fundit kishte ndaj denoncuesit përballë tij dhe gazetarit.
Të nesërmen e bisedës, denoncuesi Adriatik Hasanago mori paratë që i takonin. Ai falenderoi emisionin ‘’Xhadat’’ për zgjidhjen e rastit duke mos e fshehur mosbesimin që kishte pasur fillimisht se çështja pas denoncimit do t'i zgjidhej.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
