Rasti i parë i raportuar: Asimptomatike dhe infektuese për 70 ditë me radhë

Asimptomatike, pozitive për tre muaj e gjysmë dhe me potencial për të infektuar të tjerët për plot 70 ditë. Nuk ishte raportuar kurrë më parë, por ky është rasti i një gruaje 71-vjeçare nga Shteti i Uashingtonit, i sjellë në revistën “Cell” nga studiues nga Instituti Kombëtar i Alergjisë dhe Sëmundjeve Infektive.

"Ndërsa virusi vazhdon të përhapet," thotë autori i studimit Vincent Munster, "më shumë njerëz me një sërë çrregullimesh imunosupresive do të infektohen dhe është e rëndësishme të kuptohet se si SARS-CoV-2 sillet në këtë grup të popullatës".

Imuniteti i pacientes 71-vjeçare ishte kompromentuar për shkak të leuçemisë limfocitike kronike. Ajo nuk shfaqi asnjëherë ndonjë simptomë të COVID-19. Zbulimi i virusit erdhi kur u kontrollua pas shtrimit në spital për anemi të rëndë, sepse mjekët zbuluan se ajo shkonte në një qendër rehabilitimi me raste.

Laboratori filloi studimin e mostrave që merreshin rregullisht nga pacientja. U zbulua se virusi infektiv vazhdoi të ishte prezent për të paktën 70 ditë pas testit të parë pozitiv dhe gruaja nuk u pastrua plotësisht nga virusi deri në ditën 105. Studiuesit besojnë se pacientja mbeti infektuese për kaq shumë kohë sepse sistemi i saj imunitar i kompromentuar kurrë nuk e lejoi atë të zhvillonte një përgjigje të antitrupave.

Testet e gjakut treguan se trupi i saj nuk ishte në gjendje të prodhonte kurrë antitrupa. Ajo gjithashtu u trajtua me plazmë rikuperuese, por Munster nuk mendon se trajtimi funksionoi për shkak të përqendrimit të ulët të antitrupave. Pavarësisht nga pamundësia për të gjeneruar një përgjigje të antitrupave, ajo kurrë nuk ka zhvilluar COVID-19. Munster thotë se, me sa di ai, ky është rasti më i gjatë i raportuar i dikujt që është infektuar në mënyrë aktive me SARS-CoV-2 duke mbetur asimptomatik.

"Ne kemi parë raste të ngjashme me gripin dhe SARS në Lindjen e Mesme, e cila është shkaktuar gjithashtu nga një koronavirus”, përfundon ai.