Zbulimi në Ulpianë, Hajdari: Mbishkrimi i Justinianit, prova se dardanët nuk u asimiluan

Një ekspeditë arkeologjike në Ulpianën antike nxori në dritë një mbishkrim, ku përmendet emri i perandorit romak, Justinian dhe gruas së tij, Teodora. Arben Hajdari, arkeolog dhe profesor në Universitetin e Prishtinës, tha për MCN TV se mbishkrimi në latinisht është më i rëndësishmi që ka zbuluar ndonjëherë arkeologjia kosovare. A

i provon se dardanët nuk ishin asimiluar, por i kishin mbijetuar romanizimit për të hyrë në mesjetë si entitet i qëndrueshëm. Është një bazilikë me përmasat më të mëdha e zbuluar ndonjëherë në Ballkan, 70 m gjatësi, me përmasat e katedrales Shën Tereza, në Prishtinë. Aty kemi zbuluar një mbishkrim, më i rëndësishmi ndonjëherë në arkeologjinë kosovare. Mbishkrimi flet për ndërtimin e qytetit, vendim të cilin e mori perandori Justinian. Mbishkrimi flet edhe për disa kisha, mes të cilave edhe ajo peshkopale, të cilën ia kushtoi Jezu Krishtit në ditëlindjen e tij. Nuk e dimë me saktësi për cilin vit bëhet fjalë, por mendohet diku mes viteve 535-548. Është i vetmi mbishkrim i këtij lloji i periudhës së Justinianit. Është e rëndësishme që ky është i vetmi mbishkrim i këtij lloji i periudhës së Justinianit. Në të përmendet qyteti si qytet dardan, ka rëndësi sepse tregon se dardanët nuk ishin asimiluar, siç ka pretendime. Ata i kishin mbijetuar romanizimit dhe kishin dalë në mesjetë si entitet i etabluar. Dardania ka qenë qendër e rëndësishme kishtare. pas tërmetit të viti 518 Ulpiana rindërtohet rreth 100 m nga Ulpiana e dikurshme. Përveç tërmetit në këtë zhvendosje kanë ndikuar edhe vërshimet.