Rënia e flokëve është pjesë e procesit të plakjes dhe shumë prej meshkujve nuk i shpëtojnë dot. Meshkujt pa flokë janë lidhur shpesh si me të qenit tërheqës dhe të suksesshëm, por ky “mit” është rrëzuar nga një studim i kryer së fundmi.
Studiuesit kanë arritur në përfundimin se meshkujt me flokë perceptohen si më të rinj, tërheqës dhe të suksesshëm pas një transplanti flokësh.
Një grup prej 122 vullnetarësh, gjysma e të cilëve ishin meshkuj, u pyetën në lidhje me këtë çështje nga studiuesit e universitetit “Johns Hopkins”. Atyre iu kërkua mendimi për personat e paraqitur në fotot, që ishin në variantin para dhe pas transplantit.
Shumica e të testuarve thanë se i shihnin si 3.6 vjet më të rinj burrat që kishin bërë transplant.
Ata i perceptonin si më të rinj, më tërheqës dhe të suksesshëm burrat me flokë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
