Pas deklaratës së shefit të NATO-s, Stoltenberg, se vendosja e ushtrisë serbe pranë kufirit me Kosovën nuk ndihmon asgjë, ka ardhur reagimi i Aleksandar Vuçiçit.
Presidenti serb ka thënë se “është punë e jona ku e vendosim ushtrinë tonë”. Vuçiç shton se ushtria serbe s’i ka tejkaluar asnjëherë kompetencat e saj.
Stoltenberg do të shprehej se NATO është e gatshme ta ruajë paqen dhe sigurinë në Kosovë.
“Mezi pres forcimin e bashkëpunimit, Vuçiç dhe unë diskutuam tensionet në Kosovë dhe rëndësinë e KFOR-it. Ne do të vazhdojmë ta ruajmë sigurinë në Kosovë në kuadër të KFOR-it. NATO është e gatshme të ruajë paqen. Grumbullimi i ushtrisë serbe pranë kufirit me Kosovën nuk ndihmon. Unë mirëpres koordinimin e ngushtë midis ushtrisë së Serbisë dhe KFOR-it. Unë llogaris në të gjitha palët për të ulur tensionet. Unë mbështes formimin e Asociacionit, ky do të ishte çelësi i normalizimit”, theksoi Stoltenberg.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
