Braho: Nuk ka çështje që mund të destabilizojnë vendin. S’ka republikë prokurorësh në Shqipëri

Prokurori Klodian Braho, duke shpalosur platformën para KLP-së, tha se nuk beson që në Shqipëri ka një Republikë Prokurorësh. 

Ai tha se sfidë është maturimi i SPAK-ut deri në pikën që të jetë institucioni dhe jo drejtuesi që i imponon standardet. 

Po ashtu Braho vuri në dukje se nuk mendon që ka çështje të cilat mund të destabilizojnë vendin.

“Sfida është SPAK-u të maturohet dhe të shkojë në pikën e pakthyeshme,  të jetë institucioni që t’u imponojë njerëzve standarde, kjo realizohet duke ruajtur pavarësinë e institucioneve dhe prokurorëve dhe duke u rritur institucioni. 

Nuk e njoh termin Republikë e Prokurorëve dhe s’besoj se ka një republikë prokurorësh në Shqipëri. E vlerësojnë gjykatat nëse prokurorët kanë bërë mirë, apo s’kanë bërë mirë. 

Nuk e mendoj që hetimi i një çështje sjell destabilitet për vendin, por gjithmonë sjellë të mira për vendin”.