Samiti i Ballkanit Perëndimor ka mbledhur liderët e gjashtë vendeve të rajonit, partnerë të Bashkimit Evropian dhe përfaqësuesit e institucioneve evropiane, në një takim që ka ër qëllim rritjen e bashkëpunimit në funksion të sigurisë, stabilitetit dhe përparimit të rajonit.
Gjatë takimeve, BBC ka shkëputur detajin e atleteve të bardha të kryeministrit të Shqipërisë. Në foton e përbashkët të liderëve, Rama shfaqet i buzëqeshur, por ndryshe nga të gjithë të tjerët, kostumit zyrtar i ka shtuar një dozë sportiviteti me një palë atlete të bardha.
Kjo nuk është hera e parë që Rama tërheq vëmendjen me këpucët sportive në një takim zyrtar të nivelit të lartë.
Në Samitin e vitit të kaluar për vendet e Ballkanin Perëndimor, në Trieste, kryeministri shqiptar shtrëngoi duart me homologun Italian, Paolo Gentiloni, i veshur me atlete të bardha “Adidas”.
Me të njëjtat atlete, Rama u takua edhe me presidentin francez Emmanuel Macron.
Me një palë atlete të tjera, por këtë herë të zeza, u paraqit në një takim të udhëheqësve të Ballkanit në Bruksel, me ftesë të Federica Mogherinit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
