Izraeli: Kemi vrarë krahun e djathtë të liderit të Hamasit

Izraeli tha se ka vrarë "krahun e djathtë" të liderit të Hamasit, Yahya Sinwar, raporton "The Telegraph".

Bëhet fjalë për Rawhi Mushtaha, kreu i qeverisë së Hamasit në Gaza, u vra së bashku me dy zyrtarë të tjerë të lartë, Sameh al-Siraj dhe Sami Oudeh në sulmet tre muaj më parë, njoftuan Forcat Mbrojtëse të Izraelit në një deklaratë.

Ata fshiheshin në një kompleks nëntokësor që thuhet se përdorej nga udhëheqja e lartë në Rripin verior të Gazës, shtoi ai. Hamasi nuk njoftoi vdekjen e tyre pas sulmit për të "parandaluar humbjen e moralit dhe funksionimin e operativëve të tij terroristë".

"Mushtaha ishte një nga operativët më të lartë të Hamasit dhe kishte një ndikim të drejtpërdrejtë në vendimet në lidhje me vendosjen e forcave të Hamasit," tha IDF, duke e konsideruar atë “krahun e djathtë” të Sinwar-it, dhe një nga bashkëpunëtorët e tij më të ngushtë".

Në vitin 2015, Departamenti Amerikan i Shtetit e shpalli Mushtaha-un terrorist global.