Kaso për rrëzimin e kërkesës së PD nga KAS: Tentojnë të fshehin masakrën zgjedhore

Fill pasi KAS rrëzoi sot kërkesën e PD për prova shtesë, ka ardhur edhe reagimi i PD, që përmes sekretarit të saj për Çështjet Zgjedhore,Ivi Kaso, i ka konsideruar skandaloze vendimet e fundit të KAS për të mos pranuar kërkesat e PD për prova shtesë.

Sipas tij, refuzimi nga ana e KAS për të administruar prova që për PD janë indicie që në 25 prill të ketë pasur parregullsi, është shkelje e standartit zgjedhor, me qëllim fshehjen e masakrës zgjedhore.

"Për të zbuluar dimensionin e plotë të masakrës zgjedhore për masakrën e 25 prillit. Ditë pas ditë po zbulohen parregullsi dhe shkelje që e kanë karakterizuar këtë proces. Refuzimi i KAS për të mos i marrë këto prova është një shkelje e cila shkon kundër interesit të qytetarëve shqiptarë, që është zbardhja e asaj që ka ndodhur më 25 prill. Ky vendim i KAS shkon në drejtim të kundërtën me transparencën. Vetë anëtarët e KAS artikuluan nevojën e plotë për të sqaruar lidhur me zgjedhësit që kanë votuar më shumë se një herë. Në do të vazhdojmë me kërkesat tona për shpalljen e pavlefshmërisë në zonat e tjera. Por do të donim që institucioni që administron ankimimet zgjedhore të ngrihet në nivelin e detyrës së tyre", tha Kaso.  

Në kohën kur nesër pritet që KAS të marrë vendim për kërkesat ankimore nga PD dhe LSI për shpalljen e pavlefshme të zgjedhjeve në qarkun e Beratit dhe rinumërimin e votave, Kaso tha:

“Ne kemi pritshmëri të ligjshme që KAS të bëjë atë që duhet të bëjë për rinumërim e rivlerësim të votave të caktuara në qarkun e Beratit, më pas është cështje vullneti të qytetarëve që gjendet në kutitë e votimit, nëse vullneti shkon në drejtim të njërit apo tjetrit subjekt politë s’kemi asnjë kundërshtim apo koment, por që vullneti i qyterarëve mos tjetërsohej. Do kemi nesër mundësi shpresojmë që të shohim si është vullneti i vërtetë i qytetarve, e kur sovrani të ketë folur askush s’do ketë të drejtë të komentojë”.