Escobar për Kurtin: E ka marrë dialogun si opsion vetëm ‘po apo jo’! Koha për qasje të re

I dërguari i SHBA-ve për Ballkanin Perëndimor Gabriel Escobar, e ka kritikuar kryeministrin e Kosovës Albin Kurti, rreth qasjes së tij në dialogun me Serbinë.

Në një intervistë për “Zërin e Amerikës” ai tha se Kurti e ka marrë dialogun si një opsion “Po-Jo”.

“Nëse do të më duhej të thoja diçka, nuk do të jetë për një përqasje të re nga partnerët brenda dialogut. Ka ardhur koha për një për qasje të re për disa nga personat që e kanë marrë dialogun si një opsion vetëm ‘po apo jo’. Dhe e kam fjalën konkretisht për qeverinë e Kosovës. Ata kanë një detyrim të qartë për çfarë duhet të bëjnë. Dhe mendoj se deklarata e Borrellit ishte shumë e qartë. Serbinë e inkurajojmë të vazhdojë të jetë konstruktive dhe e duruar, por gjithashtu vazhdojmë t’i kërkojmë Serbisë të mos bëjë ndonjë gjë destabilizuese brenda Kosovës. Do të duhet të vazhdojmë të punojmë me dialogun. Nuk ka alternativë. Nuk ka alternativë për rajonin përveç integrimit evropian”, tha Escobar.