Kryeministri Edi Rama dhe kryetari i Partisë Demokratike Lulzim Basha kanë mbërritur në selinë e Presidencës, ku pritet të zhvillohen bisedime për zgjidhjen e krizës politike.
Burime nga takimi bëjnë me dije se po diskutohet për ofertën e kryeministrit Rama.
Ndryshe nga takimi i herës së shkuar, Rama dhe lideri i opozitës Basha nuk do të jenë të shoqëruar nga kryetarët e grupeve parlamentare, përkatësisht Gramoz Ruçi dhe Edi Paloka.
Ndryshe nga takimi i një dite më parë, kur Basha hyri pak minuta më vonë në Presidencë, pasditen e së enjtes Kryeministri dhe kreu i PD-së hynë thuajse njëkohësish,t këtë herë jo në tryezë, por në kolltuqe më të rehatshme.
Gjatë ditës, shefi i Qeverisë është takuar dy herë me ambasadorin amerikan në Tiranë, Donald Lu, ndërkohë që nga çadra e protestës, ish-Kryeministri Sali Berisha deklaroi se në takimin e parë të thirrur nga Presidenti Nishani, Kryeministri Rama ofroi më pak nga sa kishte propozuar McAllister.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
