Zjarret që përfshinë 5 fshatra të Fierit ditën e djeshme kanë qenë të qëllimshme. Policia ka arritur të dientifikojë dy autorët, një prej të cilëve është vënë në pranga.
Deputeti i Partisë Socialiste, Ramion Kurti, i cili mbulon zonën e Frakullës, në një prononcim për mediat ka pohuar se situata është vënë nën kontroll falë ndërhyrjes nga ajri dhe nga toka.
Kurti është shprehur se ende nuk ka një bilanc paraprak të dëmeve, por fatmirësisht në këtë zonë nuk pati persona të lënduar, banesa të djegura apo njësi ekonomike, por ka theksuar se menjëherë pas shuarjes së plotë të vatrës aktive të zjarrit, komisionet do të dalin në terren për verifikimin e dëmeve.
Ndërkohë, deputeti socialist ka bërë të ditur se tashmë policia e Fierit ka identifikuar autorët e zjarrvënies, një prej të cilëve është arrestuar dhe tjetri është proceduar, përkatësisht 50 dhe 91 vjeç.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
