Makina del nga rruga dhe përfundon në kanal, vdes rrugës për në spital 32-vjeçarja

Aksident me pasojë një person të vdekur është regjistruar mëngjesin e kësaj të mërkure në aksin rrugor Mbikalimi i Patokut-Laç.

Ngjarja ka rreth orës 07:35, ku shtetasja M. M. 32 vjeçe, ka humbur kontrollin mbi drejtimin e automjetit dhe për pasojë automjeti ka dalë nga rruga duke rënë në kanalin anësor të rrugës i cili ishte i mbushur me ujë.

Drejtuesja e automjetit është transportuar për në Spitalin e Traumës Tiranë për ndihmë të specializuar mjekësore, por rrugës ka humbur jetën.

Grupi hetimor në vendin e ngjarjes vijon veprimet hetimore për zbardhjen e plotë të rrethanave të ngjarjes.